Snjall á netinu
Það er hægt að gera margt skemmtilegt á netinu, til dæmis hafa samskipti við aðra á Facebook, Instagram og öðrum samfélagsmiðlum.
Mörgum finnst gaman að versla á netinu og það er auðvelt að gleyma sér í innkaupum.
Á þessu námskeiði verður farið yfir hvað hægt er að gera skemmtilegt á netinu t.d. að versla föt, tölvuleiki, öpp eða annað, að eiga samskipti á netinu, að setja myndir á netið o.m.fl.
Einnig verður farið yfir hvað það er sem við þurfum að varast á netinu t.d. að setja inn kortaupplýsingar, taka lán, hvernig myndum við deilum á netið, hverjum getum við treyst og hverjum ekki o.m.fl.
Námskeiðið er kennt einu sinni í viku, 2 kennslustundir í senn í 3 vikur.
Reynt verður að fara eftir óskum umsækjenda um tímasetningar. Vinsamlega takið fram í athugasemdadálki hvaða tími kemur alls ekki til greina.
Bréf sem staðfestir inntöku á námskeiðið mun berast eftir miðjan desember.