Samstarfsaðilar

Eitt af megingildum í stefnuskrá Fjölmenntar er að „fatlað fólk fái alla þá fræðslu, ráðgjöf og stuðning sem getur talist sambærileg við það er því sem sjálfsagt þykir að fólk fái almennt.“ Jafnræði til símenntunar felst meðal annars í því að fatlað fólk njóti þjónustu hjá sömu aðilum og ófatlaðir eftir því sem nokkur kostur er.

Jafnframt er það í stefnu Fjölmenntar að leitast verði við að „skipuleggja starfssemina þannig að hún verði í nánum tengslum og samstarfi við aðra skylda starfssemi á vettvangi fullorðinsfræðslu“. 

Fjölmennt hefur í sívaxandi mæli gert samstarfssamninga við fræðsluaðila bæði á höfuðborgarsvæðinu og á landsbyggðinni.