Fræðsla

Hér verður getið þeirrar fræðslu sem boðið hefur verið upp á starfsárið 2009-2010  fyrir starfsfólk hjá Fjölmennt.

Námskeið í upphafi starfsárs fyrir alla starfsmenn Fjölmenntar:  Vinnugleði er  valkostur sem Steinunn Stefánsdóttir hjá Starfsleikni  skipulagði.

Haustönn 2009: Ráðgjöf frá  Svanhildi Svavarsdóttur til einstakra kennara og kennarahópa : Svanhildur hélt tvö fræðsluerindi um einkenni einhverfu og kennsluaðferðir TEACCH sem henta nemendum með einhverfu.

Vorönn 2010:  Áframhaldandi ráðgjöf sem  Svanhildur Svavarsdóttir veitti kennurum  um kennslu einhverfra nemenda sem stunda nám í töluvkennslu, tónlist, myndlist og heimilisfræði.  Ráðgjöfin fór fram í fræðslu fyrir starfsmannahópinn og einstaklingsbundinni aðstoð fyrir nemandann og kennara hans. 

Jarþrúður Þórhallsdóttir  veitti kennurum einnig  ráðgjöf og stuðning við að útbúa skipulagðar kennsluaðstæður og gera þær myndrænar.

Eftirtalin tölvunámskeið voru haldin á vorönn 2010.

Sigurður Fjalar Jónsson  var með tölvunámskeið fyrir kennara um  aukna notkun Smart- board töflu ,myndbönd  í tengslum við forritið Power point og fleiri gagnlega þætti í notkun tölva við kennslu hjá Fjölmennt.

Guðrún Hallgrímsdóttir  var með námskeið í tölvukennslu fyrir fatlað fólk og kennslu í forritinu Publisher  og Board- maker. Þessir þættir eru jafnframt mikilvægir við kennslugagnagerð og myndræna framsetningu efnis.

Áhersla  hefur verið lögð á að efla námstilboð  fyrir mikið fatlað fólk í starfsemi Fjölmenntar. Starfshópur sem samanstóð af fjórum kennurum fór í námsferð til Noregs í nóvember. Ferðastyrkur fékkst úr þjóðhátíðarsjóði Norðmanna fyrir ferðakostnaði en Fjölmennt styrkti kennara til farararinnar að öðru leyti.  Verið er að vinna að skipulagningu fjölþættari kennslutilboða fyrir mikið fatlað fólk.