Að hanna eigið tákn (logo)
Á þessu námskeiði læra þátttakendur að búa til sitt eigið tákn eða logó. Það er svo hægt að nýta á ýmsan hátt, til dæmis til útprentunar fyrir tækifæriskort, í netsamskiptum eða til að fá prentað á bol.
Kynnt verða forrit sem nýtast við gerð tákna og ennfremur verða skoðuð þau undirstöðuatriði sem hönnun byggir á, það er lína, áferð, tví- og þrívídd, leturgerðir og samspil og notkun lita.
Námskeiðið hentar þeim sem hafa nokkra færni í að nota algengustu forrit í tölvu eins og Word.
Kennt er einu sinni í viku, klukkustund í senn.
Reynt verður að fara eftir óskum umsækjenda um tímasetningar. Vinsamlega takið fram í athugasemdadálki hvaða tími kemur alls ekki til greina.
Bréf sem staðfestir inntöku á námskeið mun berast eftir miðjan desember.