Rofar, tölvur og snjalltæki til virkni og samspils

Tilgangur námskeiðsins er að þátttakandinn með hjálp rofa, tölvu og/eða snjalltækis upplifi sig sem bæði geranda og félaga á eigin forsendum.

Leitað er leiða til að tölvur og snjalltæki geti bætt nýjum möguleikum við virkar tómstundir í samspili við aðra. Rofar og annar búnaður er prófaður og leitað allra leiða til að auka virkni og vald þátttakanda í afþreyingu með öðrum. Með því að nota rofa er stundum hægt að vera virkari og ráða meiru um það sem gerist hér og nú og snjalltækin geta opnað nýjar leiðir fyrir einstaklinginn að sýna áhuga og hafa áhrif.

Markmið:

  • Auka virkni og sjálfstæði með öðrum
  • Auka vald yfir aðstæðum og viðfangsefnum
  • Auka valkosti í viðfangsefnum
  • Efla tjáningu

Unnið er með ýmsar leiðir til að virkja tölvu og snjalltæki - leikir og afþeyingarforrit, efnisveitur eins og you-tube.com og aðrir afþreyingarmöguleikar á veraldarvefnum. Samskiptamiðlar eins og facebook eða Instagram, allt eftir áhuga og möguleikum hvers og eins. Áhersla er lögð á eigin virkni og frumkvæði um leið og unnið er með leiðir til að velja og tjá skoðun sína og tilfinningar.

Gott samstarf þarf að vera milli kennara og aðstandenda eða starfsmanna þátttakandans til að námið skili árangri.

Vakin er athygli á að boðið er uppá fræðslu um notkun snjalltækja fyrir starfsfólk og aðstandendur þátttakenda á þessu námskeiði.

Námskeiðið er haldið einu sinni í viku, 1 - 2 kennslustundir í senn.

Bréf sem staðfestir inntöku á námskeið mun berast eftir miðjan ágúst.

Staður: Fjölmennt
Verð: 7.700 - 20.700
Tími: 7 - 14 vikur
Hrefna S. Sigurnýasdóttir
Eydís Hulda Jóhannesdóttir