Að ná endum saman
Námskeiðið er fyrir þá sem vilja fá aukna yfirsýn í fjármál sín og vilja fá innsýn í hvers konar aðstoð hægt er að fá hjá bankastofnunum.
Rannsóknir sýna að þeir sem fengið hafa kennslu í fjármálum eru líklegri til að spara og skipuleggja fjármál sín betur en aðrir.
Markmið með námskeiðinu er að þátttakendur fái aukna yfirsýn í fjármál sín auk þess að fá innsýn í hvers konar aðstoð er hægt að fá varðandi skipulag fjármála hjá bönkum. Einnig að öðlast skilning á skyldum þeirra sem aðstoða fatlað fólk varðandi fjármál.
Fjallað verður m.a. um:
- Laun og launatengd gjöld
- Um lífeyrissjóð, séreignasjóð og skatta
- Hagnýtt heimilishald
- Helstu útgjaldaliðir heimilanna
- Nauðsynleg út-gjöld
- Lúxus útgjöld
- Fjármálaráðgjöf bankanna
- Hvernig aðstoð/þjónustu vil ég fá?
- Fjármál gegnum lífið
- Hvaða aðstoð þarf ég á að halda varðandi peningamál
- Persónulegur talsmaður og fjárhagsmaður
- Hvernig fylgist ég með fjármálum mínum (Net-banki og Öpp)
- Fjárhagslegt skipulag á NPA þjónustu
- Lífsstíll og fjármál
- Að spara
- Neysla og hamingja
Kennt er einu sinni í viku, 2 kennslustundir í senn.
Reynt verður að koma til móts við óskir um tímasetningu námskeiða.
Vinsamlegast takið fram í athugasemdadálki hvaða tími hentar alls ekki.
Bréf sem staðfestir inntöku á námskeið mun berast eftir miðjan ágúst.