H.A.F. jóga
H.A.F. Yoga (Holistic Aqua Flow Yoga) sem eru mjúkir og slakandi tímar í jógaflæði í vatni, hugleiðslu og fljótandi slökun. Gerðar eru teygjur og flæðisæfingar sem aðlagaðar eru að vatni. Notuð er núvitund og flot til að slaka vel á í vatninu. Hreyfing í vatni viðheldur hreyfigetu liða, þjálfar djúpvöðva og losar streitu. Þú losar spennu í öllum líkamanum.
Að fljóta dregur úr streitu, léttir á eymslum, vinnur gegn svefnleysi, Þunglyndi og kvíða. Eftir gott flot finnur einstaklingurinn fyrir líkamlegri og andlegri endurnýjun.
Markmiðið er að ná að njóta þess að sleppa takinu í kyrrð og ró.
Tímarnir eru 45 min. 20 mín í æfingar og 25 mín í slökun og flot. Allur flotbúnaður er frá flothettu og er innifalin í námskeiðinu.
Námskeið 1 er kennt í sundlaug Klettaskóla á þriðjudögum kl 17:00-17:45 (15 manns).
Námskeiðið er 10 vikur. Nánari dagsetning kemur síðar.
Verð 51.000 kr.
Í Klettaskóla er mjög góð aðstaða fyrir fatlaða, lyftur í loftum og góður stigi út í laug. Búningsklefar eru nokkrir þar á meðal einkaklefar.
Námskeið 2 er kennt í Fjölbrautaskólanum við Ármúla á fimmtudögum kl 15:30 -16:15 (5 manns).
Námskeiðið er 10.vikur. Nánari dagsetning kemur síðar.
Verð 51.000 kr
Sundlaug sérnámsbrautar Fjölbrautaskólans við Ármúla er einstök skynörvunarsundlaug og er sérstaklega hönnuð með þarfir fatlaðs fólks í huga.
Námskeiðið er fyrir alla óháð fötlun, aðstaðan er mjög góð fyrir þá sem hafa litla hreyfifærni.
Þeir sem þurfa aðstoð í klefa eða ofan í laug þurfa að hafa aðstoðarmann með sér.
Haft verður samband við umsækjendur í síma.
Athugið!
Námskeiðið er auglýst fyrir námskeiðshaldara og er ekki niðurgreitt af Fjölmennt. Það þýðir að sá sem sækir um H.A.F jóga getur líka sótt um námskeið hjá Fjölmennt.