Tónlistarstöðvar
Á námskeiðinu er unnið með tónlist á fjölbreyttan hátt og þátttakendur fá tækifæri til að finna sinn innri tónlistarmann. Unnið verður með söng, hljóðfæraleik, fræðslu og hlustun með stöðvavinnu.
Þátttakendur fá meðal annars tækifæri til þess að:
- Spila á hljóðfæri
- Þjálfa söngrödd og söng í hljóðnema
- Þjálfa taktskyn og vinna með rythma
- Upplifa áhrif tónlistar
- Skapa sína eigin tónlist
- Fræðast um tónlist og tónlistarmenn.
Unnið er með tónlist sem þátttakendur þekkja en einnig verður kynnt ný tónlist.
Kennt er einu sinni í viku, eina kennslustund í senn.
Vakin er athygli á því að hægt er að sækja um fræðslu um aðstoð við hljóðfæraleik fyrir starfsfólk og aðstandendur þátttakenda á þessu námskeiði.
Reynt verður að fara eftir óskum umsækjenda um tímasetningar. Vinsamlega takið fram í athugasemdadálki hvaða tími kemur alls ekki til greina.
Bréf sem staðfestir inntöku á námskeið mun berast eftir miðjan ágúst.