Listfræðsla og sköpun í bland

Þetta námskeið er tvískipt, bæði verður farið á sýningar á listasöfnum og unnið að myndlist í Fjölmennt útfrá sýningum.

Á námskeiðinu verður farið á listasýningar á Listasöfnum á höfuðborgarsvæðinu. Við fáum leiðsagnir um sýningarnar og ræðum um verkin. Farið verður á Listasafn Reykjavíkur, Listasafn Íslands, Nýlistasafnið, Kling og Bang, List án landamæra og Gerðarsafn.

Þátttakendur vinna í framhaldinu verk sem tengjast sýningum og nota tækni og aðferðir í anda verka á sýningum.

Námskeiðið er einu sinni í viku í 7 vikur, 3 kennslustundir í senn.

Reynt verður að fara eftir óskum umsækjenda um tímasetningar. Vinsamlega takið fram í athugasemdadálki hvaða tími kemur alls ekki til greina.

Bréf sem staðfestir inntöku á námskeið mun berast eftir miðjan ágúst.