Hagnýt ráð um fjölbreyttar tjáskiptaleiðir
Hér eru glærur frá fræðsluerindi Helle Kristensen, kennsluráðgjafa, sem haldið var í desember 2025.
Fjölbreyttar tjáskiptaleiðir og tjáskiptatækni
Tjáskipti viljum við sjá sem hvert það samspil sem stendur yfir um hríð milli tveggja eða fleiri einstaklinga, um hvað báðir aðilar meina eða þeim þykir, um það sem er að gerast í þeim tilteknu aðstæðum.
Í fræðsluerindinu er farið yfir aðstæður fólks sem getur illa nýtt sér talmál til samskipta og leiðir til viðeigandi aðlögunar.
Kynntar eru eftirfarandi aðferðir til að bjóða val og eiga samtal:
- Gagnvirkar valtöflur (smáforritið SoundingBoard)
- Að skrifa á miða
- Samtal um staðreyndir
- Samtalsmottur (Talking Mats)
Einnig er fjallað um hvernig megi skapa aðstæður sem stuðla að þátttöku í slíkum samtölum.
Samtalsmottur (Talking Mats)
Hér eru glærur frá fyrirlestri Helle Kristensen um samtalsmottur (Talking Mats) sem tæki til að eiga samtal um óskir, vilja og ákvarðanir.
Farið er yfir aðferðina í hnotskurn, hvað ber að hafa í huga og dæmi gefin um notkun samtalsmottu á námskeiðum í Fjölmennt.
Hér eru dæmi um ólík grunnspjöld til útprentunar:
Skemmtilegt - leiðinlegt / Auðvelt - erfitt
SoundingBoard: Einfaldar val- og samskiptatöflur
Hér eru leiðbeiningar og kennslumyndband um smáforritið SoundingBoard þar sem hægt er að búa til einfaldar val- og samskiptatöflur með myndum, texta og hljóði.
Farið er yfir hvernig hægt er að búa til töflur, að breyta töflum eða bæta við, að tengja undirtöflur við einstaka reiti, að senda töflu í tölvupósti og að gera einfaldar stillingar á forritinu.
Samskiptaspjöld
Hér eru samskiptaspjöld sem útbúin voru fyrir kennslustofur í Fjölmennt.
Hægt að prenta út og nota hvar sem er :-)
Fræðslumoli um tjátöflur
Tjáskiptatöflur geta verið mjög einfaldar, með tveimur táknum til að velja á milli tveggja valkosta.
Tjáskiptatöflur geta verið mjög einfaldar, með tveimur táknum til að velja á milli tveggja valkosta.
Þær geta líka verið með mörgum táknmyndum, þar sem hann eða hún velur með bendingu af einhverju tagi.
