Skynjun og þátttaka við eldhússtörf

Þetta námskeið er ætlað þeim sem hafa takmarkaða hreyfi- eða verkgetu og hafa ánægju af því að vera í eldhúsi við matargerð.

Búin er til máltíð og allir borða eða sitja saman. Áhersla er á samveru og þátttöku, að upplifa  matreiðslu sem félagslega athöfn.

Stuðst er við myndrænar, einfaldar uppskriftir og myndræna athafnaröð eftir þörfum þátttakenda.

Þátttakendur eru hvattir til einfaldrar frásagnar, með hjálp fjölbreyttra tjáskiptaleiða ef þarf: hvað er verið að gera, hver gerir hvað, hvað var gert o.s.frv.
Einnig er áhersla á tjáskipti milli þátttakenda, s.s. að veita athygli, bíða, rétta öðrum, hvort heldur sem er með óformlegum eða formlegum tjáskiptum.

Námskeiðið er kennt er einu sinni í viku.

Umsóknarfrestur er til 16.júní. 

Reynt verður að fara eftir óskum umsækjenda um tímasetningar.
Vinsamlega takið fram í athugasemdadálki hvaða tími kemur alls ekki til greina.

Bréf sem staðfestir inntöku á námskeið mun berast eftir miðjan ágúst.