Félags- og húsnæðismálaráðuneytið styrkir Miðstöð um auðlesið mál
Inga Sæland er félags- og húsnæðismála·ráðherra.
Inga Sæland hefur ákveðið að styrkja Miðstöð um auðlesið mál.
Styrkurinn er 15.000.000 krónur.
Styrkurinn er hluti af Landsáætlun í málefnum fatlaðs fólks.
Miðstöð um auðlesið mál býr til texta á auðlesnu máli.
Auðlesið mál er einföld íslenska.
Miðstöð um auðlesið mál var stofnuð árið 2022.
- Þessi frétt er auðlesin.
- Smelltu hér til að lesa upprunalegu útgáfuna.
Inga Sæland segir:
Í samningi Sameinuðu þjóðanna um réttindi fatlaðs fólks stendur:
Við eigum öll rétt á upplýsingum.
Miðstöð um auðlesið mál gerir upplýsingar aðgengilegar.
Þess vegna er Miðstöð um auðlesið mál mikilvæg.
Þess vegna er líka gott að geta styrkt Miðstöð um auðlesið mál.
Miðstöð um auðlesið mál hefur gefið út handbók.
Handbókin fjallar um auðlesið mál.
Með handbókinni getur fólk lært að skrifa auðlesið mál.
Þú getur sótt handbókina með því að smella hér.
Til hvers er auðlesið mál?
Allir eiga rétt á upplýsingum á máli sem þeir skilja.
Það stendur í samningi Sameinuðu þjóðanna um réttindi fatlaðs fólks.
Við þurfum upplýsingar sem við skiljum til þess að:
- lifa sjálfstæðu lífi
- taka upplýstar ákvarðanir
- nýta réttindi okkar
Auðlesið mál gerir upplýsingar aðgengilegri.
Þess vegna er auðlesið mál mikilvægt.
Hvað er auðlesið mál?
Auðlesið mál er einfölduð íslenska.
Auðlesið mál notar algeng orð.
Auðlesið mál notar einfaldar setningar.
Auðlesið mál útskýrir flókna hluti.
Oft eru myndir líka notaðar í auðlesnum textum.
Auðlesið mál er líka aðgengistæki.
Fólk sem á erfitt með að lesa notar auðlesið mál.
Þannig fær þetta fólk sömu tækifæri og aðrir.
Fyrir hverja er auðlesið mál?
Allir geta nýtt sér auðlesið mál.
Auðlesið mál er samt mest fyrir fatlað fólk.
Fatlað fólk hefur sérstakar þarfir.
Auðlesið mál passar upp á þarfir fatlaðs fólks.
Leiðbeiningar um auðlesið mál
Í handbókinni eru leiðbeiningar um auðlesið mál.
Til dæmis um hvernig á að skrifa auðlesið mál.
Líka hvernig á að þýða texta á auðlesið mál.
Margir geta nýtt sér handbókina.
Til dæmis:
- kennarar
- blaðamenn
- þýðendur
- ritstjórar.
Handbókin kom fyrst út á þýsku.
Handbókin byggir á nýjustu vísindum.
Nú er handbókin komin út á íslensku.
Miðstöð um auðlesið mál sér um að skrifa auðlesið mál.
Miðstöð um auðlesið mál hjálpar líka öðrum að skrifa auðlesið mál.
Til dæmis með því að gefa út þessa handbók.
Það geta allir fengið hjálp frá Miðstöð um auðlesið mál.
Heimasíða Miðstöðvar um auðlesið mál er audlesid.is.
