H.A.F. jóga

Námskeið þar sem við sameinum hreyfingu, slökun og flot í dásamlegri sundlaug Klettaskóla.

Tímabil: 1. september – 21.okt

Þriðjudagar:

• kl. 17:00 – 17:45

• kl. 18:15 – 19:00

Verð: 50.000 kr

Um námskeiðið:

H.A.F Yoga eru mjúkir og slakandi tímar í vatni þar sem unnið er með flæði, teygjur, öndun og djúpa slökun. Tímarnir eru einstaklingsmiðaðir og henta öllum – óháð getu.

Við æfum í fallegri sundlaug í Klettaskóla, þar sem rólegt umhverfi skapar fullkomnar aðstæður til að njóta vel í vatninu og ná góðri slökun. Við notum flotbúnað frá flothettu, núðlur og fleira til að styðja við öryggi. Einnig er hægt að njóta þess að fara í heita pottinum ef það hentar.

Tímarnir eru hannaðir út frá þörfum þátttakenda og miða að því að skapa öruggt, rólegt og styrkjandi umhverfi.

Við vinnum með mjúkar og öruggar æfingar sem eru meðal annars:

• einfaldar öndunaræfingar.
• gönguæfingar í vatni.
• jafnvægisæfingar og mjúkar teygjuæfinar.
• styrktar- og þolæfingar.
• yogaflæði og einfaldar yogastöður.

Allir framkvæma æfingar á sínum forsendum og með aðstoð ef þörf er á. Lögð er rík áhersla á einstaklingsmiðaða nálgun þar sem hver og einn fær þá aðstoð og stuðning sem hann þarf í öllum æfingum.

Hver tími endar í djúpri slökun og floti þar sem einstaklingurinn fær góða slökun, hvíld eða njóta og vera á sínum forsendum.

Hver tími skiptist í:

• 20 mínútur – hreyfing, flæði og teygjur

• 25 mínútur – djúp slökun og flot

Tímarnir fara fram í dásamlegri sundlaug í Klettaskóla

Öll aðstaða er sérstaklega aðlöguð að fötluðu fólki. 

Rakel er  yogakennari, þroskaþjálfi og markþjálfi  með yfir 30 ára reynslu í þjálfun og kennslu.

Vinsamlegast athugið:

Enginn stuðningsfulltrúi er til aðstoðar frá Fjölmennt í sundlauginni og  þeir sem þurfa aðstoð í klefa eða á biðtíma fyrir og eftir tímann þurfa að hafa aðstoð að heiman. Að öðrum kosti getur viðkomandi ekki sótt þetta námskeið.

Umsóknarfrestur er til 16.júní. 

Reynt verður að fara eftir óskum umsækjenda um tímasetningar.
Vinsamlega takið fram í athugasemdadálki hvaða tími kemur alls ekki til greina.

Vinsamlegast athugið:

• Námskeiðið er auglýst fyrir námskeiðshaldara og er ekki niðurgreitt af Fjölmennt. Það þýðir að sá sem sækir um H.A.F jóga getur líka sótt um námskeið hjá Fjölmennt samhliða H.A.F. jóga.
• Ekkert aðstoðarfólk er í sundlauginni eða klefa þannig að þau sem þurfa aðstoð í klefa eða á biðtíma fyrir og eftir tímann þurfa að hafa aðstoð að heiman. Að öðrum kosti getur viðkomandi ekki sótt þetta námskeið.