Jólaslökun

Margir eru orðnir vel kunnugir slökunarnámskeiðunum vinsælu í Fjölmennt. Á þessu námskeiði er slökunin tengd jólahátíðinni og aðdraganda hennar. Við tengjum þetta við dönsku hugmyndina um „Hygge“ sem er vinsæl um þessar mundir.

Á þessu námskeiði ætlum við að koma okkur vel fyrir undir teppi í notalegu andrúmslofti við snark í arineldi sem við framköllum með myndvarpa í stórri mynd. Ilmur af greni, kanil, negul og mandarínum fyllir rýmið. Glitrandi jólaskraut með ólíkri áferð er innan seilingar til að horfa á, komast í jólastemninguna og jólatónar í bland við slökunartónlist fá okkur til að fanga augnablikið og taka inn notalegt andrúmsloft jólanna. 

Þetta námskeið hentar þeim sem hafa litla hreyfifærni.

• Námskeiðið verður haldið á tímabilinu 11. til 19. desember. Nánari tímasetning auglýst síðar.
• Námskeiðið er í eitt skipti, í 1 til 2 kennslustundir.
• Umsóknarfrestur er til 20. nóvember.
   

Reynt verður eftir fremsta megni að koma til móts við þarfir þátttakenda með tímasetningu námskeiðsins.