Litir og tónar

Á námskeiðinu er unnið með upplifun á myndlist og tónlist  í bland við skynjun á áferð og formum. 

Námskeiðið er byggt upp í kringum þemavinnu með liti  og tóna sem veita innblástur í skapandi samvinnu.  Hljóðheimurinn er ýmist framandi  til að vekja forvitni eða kunnuglegur  til að rifja upp. 

Leitast er við að skapa tækifæri fyrir tjáskipti og þátttöku á eigin forsendum. Áhersla er lögð á að finna leið til að hafa áhrif á það sem gerist hér og nú. 

Nýttar eru skapandi leiðir til þess að þátttakendur geti tekið þátt í að búa til listaverk eða átt hlutdeild í því sem hópurinn gerir. 

Leitast er við að þátttakendur finni fyrir öryggi og ró og spilar umgjörð rýmisins stóran þátt í upplifun þátttakenda.