Myndbandsgerð

Á námskeiðinu læra þátttakendur að búa til myndbönd með því að taka upp og klippa myndböndin í tölvu.

Unnið verður að því að búa til myndbönd um námskeið sem haldin eru í Fjölmennt. Farið verður í ólíkar kennslustundir, tekin upp myndbönd, viðtöl tekin og loks verða myndböndin fullkláruð.

Notuð verða tæki eins og símar, gopro og snjalltölvur til að taka upp efni. Þátttakendur eru hvattir til að koma með sín eigin tæki.

Farið verður yfir atriði sem eru mikilvæg fyrir upptöku, svo sem:

  • Hvaða tæki hentar upptökunni
  • Lýsing
  • Hljóð
  • Handrit

Á námskeiðinu læra þátttakendur á klippiforritið Filmora, þar sem farið verður í atriði eins og:

  • Klippa myndbönd
  • Hljóð 
  • Áhrif (effect)
  • Lýsingu
  • Hraða og/eða hægja á myndböndum
  • Búa til opnanir og lokanir á myndbönd.

 

Námskeiðið er einu sinni í viku, 3 kennslustundir í senn.

Reynt verður að fara eftir óskum umsækjenda um tímasetningar. Vinsamlega takið fram í athugasemdadálki hvaða tími kemur alls ekki til greina.

Bréf sem staðfestir inntöku á námskeið mun berast eftir miðjan ágúst.

 

Staður: Fjölmennt
Verð: 25.900
Tími: 14 vikur
Þorvaldur Heiðar Guðmundsson
Eydís Hulda Jóhannesdóttir