Leikfimi
Á þessu alhliða íþróttanámskeiði verður unnið að því að bæta þol og styrkja líkamann ásamt því að gera liðkandi æfingar. Tímarnir verða fjölbreyttir, bæði verður unnið á þrekhjólum og æfingatæki notuð við upphitun. Einnig verður leikfimisalurinn notaður í stöðvaþjálfun ásamt öðrum verkefnum. Í lok hvers tíma eru gerðar teygjuæfingar og slökun.
Lögð er áhersla á að þátttakendur fái jákvæða reynslu og áhuga á að stunda líkamsrækt og fái æfingar við sitt hæfi.
Lögð er áhersla á skýrt upphaf og endi og að æfingar séu sífellt í sömu röð.
Myndræn framsetning og hluttákn eru notuð til að auka möguleika þátttakenda á yfirsýn og að læra rútínu.
Áhersla er lögð á að allir fái æfingar við sitt hæfi.
Kennt er einu sinni í viku, á miðvikudögum, 1 kennslustund í senn.
Boðið er upp á tvær tímasetningar, vinsamlega takið fram í athugasemdadálk hvorn tímann þið veljið:
Hópur 1: kl 13:10-13:50
Hópur 2: kl 14:00-14:40
Tölvupóstur sem staðfestir inntöku á námskeið mun berast eftir miðjan desember.