Fréttir og tilkynningar

Starfsfólk Fjölmenntar er komið í sumarfrí. Opnum aftur þriðjudaginn 3. ágúst. Njótið sumarsins.

Í dag 16.júní er síðasti dagur til að sækja um námskeið og námsbrautir hjá Fjölmennt. Ekki er hægt að tryggja námskeiðspláss ef sótt er um eftir að umsóknarfresti lýkur. Vekjum sérstaka athygli á nýjum námskeiðum sem verða í boði á haustönn ef þátttaka verður næg.

Á haustönn verða í boði fjölmörg ný og spennandi námskeið og námsbrautir. Endilega skoðið vel hvað er í boði.

Fjölmennt tekur nú þátt í einu Erasmus+ verkefni eins og fyrr hefur verið kynnt; Silver age learning https://www.acz-kurzy.cz/about-sage

Nú er hægt að sækja um námskeið haustannar hér á heimasíðunni. Stutt er á hnappinn Námskeið og þar birtast námskeiðsflokkarnir. Í haust verða 88 námskeiðstitlar í boði og þar af eru 13 ný og spennandi námskeið. Tvær námsbrautir verða í boði þar sem kennt verður 2-3 sinnum í viku.

Í dag, föstudaginn 30. apríl er lokadagur til að sækja um sumarnámskeið sem haldin verða á tímabilinu 21. maí - 1. júní.

Þessa daga stendur yfir vinna að námskeiðum haustannar 2021. Öll námskeið og námsbrautir verða komin inn á heimasíðu 15. maí.

Á morgun er Sumardagurinn fyrsti og það styttist í annan endann á vorannar- námskeiðunum okkar en síðasti kennsludagur vorannar er 12. maí. Við taka skemmtileg og skapandi sumarnámskeið af fjölbreyttum toga. Í ár verða 18 námskeiðstitlar í boði þannig að allir ættu að geta fundið eitthvað við sitt hæfi.

Samkvæmt reglugerð um sóttvarnir þá geta námskeið Fjölmenntar sem haldin eru í Vínlandsleið hafist á ný á morgun miðvikudag 7. apríl.

Starfsfólk Fjölmenntar óskar öllum gleðilegra páska. Skrifstofa Fjölmenntar verður lokuð frá 29. mars og opnar eftir páskaleyfi miðvikudaginn 7. apríl.