Tækni og frjáls sköpun
Á námskeiðinu er val um að vinna með ákveðin verkefni og fá kennslu í tækni, aðferðum og meðhöndlun ólíkra tegunda lita og efniviðs og að vinna frjálst að verkefnum allt eftir óskum þátttakenda.
Sem dæmi um verkefni eru: portrett og sjálfsmyndir, uppstilling, klippimyndir og skúlptúr.
Sem dæmi um efnivið eru: vatnslitir, málning, pappamassi og teiknipennar. Gerð verða bæði tvívíð og þrívíð listaverk.
Áhersla er lögð á að ýta undir sköpunargleði þátttakenda og virkja ímyndunarafl þeirra. Að auki verður listfræðsla um verk listafólks í listasögunni.
Stefnt er að því að þátttakendur geti nýtt sér þekkingu sína og færni sjálfum sér til gagns og ánægju.
Kennt er einu sinni í viku, 1 -3 kennslustundir í senn.
Reynt verður að fara eftir óskum umsækjenda um tímasetningar. Vinsamlega takið fram í athugasemdadálki hvaða tími kemur alls ekki til greina.
Tölvupóstur sem staðfestir inntöku á námskeið mun berast eftir miðjan desember.