Fréttir og tilkynningar

Fjölmennt tekur nú þátt í einu Erasmus+ verkefni eins og fyrr hefur verið kynnt; Silver age learning https://www.acz-kurzy.cz/about-sage

Nú er hægt að sækja um námskeið haustannar hér á heimasíðunni. Stutt er á hnappinn Námskeið og þar birtast námskeiðsflokkarnir. Í haust verða 88 námskeiðstitlar í boði og þar af eru 13 ný og spennandi námskeið. Tvær námsbrautir verða í boði þar sem kennt verður 2-3 sinnum í viku.

Í dag, föstudaginn 30. apríl er lokadagur til að sækja um sumarnámskeið sem haldin verða á tímabilinu 21. maí - 1. júní.

Þessa daga stendur yfir vinna að námskeiðum haustannar 2021. Öll námskeið og námsbrautir verða komin inn á heimasíðu 15. maí.

Á morgun er Sumardagurinn fyrsti og það styttist í annan endann á vorannar- námskeiðunum okkar en síðasti kennsludagur vorannar er 12. maí. Við taka skemmtileg og skapandi sumarnámskeið af fjölbreyttum toga. Í ár verða 18 námskeiðstitlar í boði þannig að allir ættu að geta fundið eitthvað við sitt hæfi.

Samkvæmt reglugerð um sóttvarnir þá geta námskeið Fjölmenntar sem haldin eru í Vínlandsleið hafist á ný á morgun miðvikudag 7. apríl.

Starfsfólk Fjölmenntar óskar öllum gleðilegra páska. Skrifstofa Fjölmenntar verður lokuð frá 29. mars og opnar eftir páskaleyfi miðvikudaginn 7. apríl.

Í ljósi nýjustu upplýsinga um sóttvarnaraðgerðir þá verður ekki kennsla á morgun fimmtudag né föstudag. Dagana 29.mars - 6. apríl er páskaleyfi.

Eftir páska verður boðið upp á skemmtilegt útinámskeið í Laugardalnum þar sem áhersla verður á að auka þol og styrk með æfingum við hæfi hvers og eins.

Senn líður að páskum. Í Fjölmennt verður boðið upp á stutt námskeið í gerð páskaskrauts.